वर्तमानको उर्लिदो जनघनत्व, बढ्दो व्यवसायहरु, जनचाहना, बजारको स्वरुप, जन–सक्षमता र आवश्यकता जस्ता कुराहरुलाई विचार गर्दै संस्थालाई पनि अगाडि बढाउने र सम्पूर्ण सदस्यहरुका आवश्यकताहरुलाई पूरा गर्ने हेतुले यस सहकारी संस्थाको स्थापना गरिएको हो । सबै जातजाति, धर्म–संस्कृति रीति–रिवाजलाई अंगाल्दै समाजमा बसोबास गर्दै आएका सम्पूर्ण सदस्यहरुलाई सहकारीको महत्व र आफ्नो सहभागिताको बोध गराउने र समाजको दीगो र समतामूलक आर्थिक विकास तथा अग्रगामी सामाजिक रुपान्तरणका लागि सवल र सक्षम सहकारी प्रणाली अवलम्बन गरिएको छ।

विभिन्न ठाउँमा आयमूलक व्यवसायमा लगानी गरेर आर्थिक प्रगति उन्मुख, रोजगारको श्रृजना, सहुलियत दरमा दैनिकीय उपभोग्य वस्तुहरु उपलब्ध गराउन, प्राथमिक आवश्यकता र आर्य आर्जन क्षमताको पहिचान गरेर उत्पादशील, आयमूलक, सीपमूलक कामहरुमा जागरण गराउँदै समाजको सदस्यहरुलाई सवल र स्ववलम्वी बनाउनु हाम्रो परिचय हो । स्थानीय श्रम, सीप र पूँजीलाई अधिकतम रुपमा परिचालन गर्ने गरी सहकारीलाई अर्थतन्त्रको एक सवल स्तम्भको रूपमा विकसित गर्दै आर्थिक तथा सामाजिक विकासमा योगदान पुर्याउने लक्ष्य लिइएको छ ।

महिला, गरीब, सीमान्तकृत, अपाङ्ग, भूमिहीन तथा पिछडिएका वर्ग र श्रमिकहरूका साथै आम नागरिकहरूको जीवनस्तरमा सुधार ल्याउन सहकारीको पहुँच अभिबृद्धि गर्ने र सहकारी प्रबद्र्धित उद्योग व्यवसायको विकास तथा विस्तार गर्दै सहकारी क्षेत्रलाई प्रभावकारी, प्रतिस्पर्धी एवं गुणस्तरीय बनाउन सरकारले ल्याएका योजनाहरुमा समेत सहभागि भईनेछ ।